Электрон гажетларнинг машҳур ишлаб чиқарувчиси – Apple компанияси электр автомобиллар ишлаб чиқаришни йўлга қўйишни режалаштирган. 2014 йилдан буён Apple ўзининг Project Titan номи билан танилган автомобилини чиқариш устида шуғулланмоқда. Tesla Incда ишлаган Apple фахрийси Дуг Филд лойиҳани бошқариш учун 2018 йилда қайтиб келди ва 2019 йилда 190 нафар кишини ишдан ҳайдади. Ўша пайтдан бошлаб компания шу даражада илгари юрдики, энди истеъмолчилар учун автомобиль яратиш мақомига етди. Аммо Appleнинг ўзи бу ахборотни мутлақо инкор қилмоқда.

Apple стратегиясининг марказида батареянинг янги дизайни туради, шунинг сабабидан батареяларнинг нархлари “кескин” тушиши ва автомобиль юриш масофаси узайиши мумкин.

Бироқ, автомобилни яратиш ҳатто Apple каби гигант учун ҳам мураккаб иш – бутун дунёдан келадиган деталлар асосида йилига юзлаб миллион электрон маҳсулот чиқарадиган бу компания ҳеч қачон автомобиль ишлаб чиқариш билан шуғулланмаган.

Маълумот учун: Tesla автомобили барқарор даромад келтириш нуқтасига чиққунича 17 йил керак бўлди.

Apple бренди остида атвомобилни ким йиғиши ноаниқлигича қолмоқда аммо манбаларларга кўра, компания ишлаб чиқарувчи шерик кучига таянади.

Ҳозирча Apple ўзининг саъй-ҳаракатларини бошқарувнинг мухтор тизимини ишлаб чиқиш билан чегаралашига ва у тизим iPhone эмас, балки анъанавий автомобилсозлик корхонаси ишлаб чиқариган автомобилга интеграция қилинишига умид бор.