Ёйларсиз электрон велосипед
Шу йил Малайзияда Beno Reevo электр велосипеди пайдо бўлади. 2016 йилда асос солинган Reevo компанияси Beno ёки Be Innovative компаниясининг маҳсули бўлиб, Баян-Лепас (Пенанг)да ишлаб чиқариш марказига, Сиэтлда (Вашингтон штати, АҚШ) эса илмий-тадқиқот офисига эга, бош ижрочи директори – Алек Лим.
Reevo дизайнидаги фарқли жиҳат 650 B (27,5 дюйм) ғилдираги конструкцияси саналади, у кўпи билан 120 кг вазнли инсонга мўлжалланган. Ғилдиракларда влоесипед дисклари ва ёйлар мавжуд эмас. Улар ўрнига орқа ғилдирак қуввати 750 Вт.ли Reevo e-drive двигатели билан ҳаракатга келтирилади, у рулдаги дроссель клапани билан бошқарилади ва литий-ион батареяларидан озиқланади. Велосипеднинг тезлиги 40 км/с. билан чегараланган, электр двигателдан мухтор ишлаш максимал вқти 3 соат ёки 60 км ни ташкил қилади.
Ишлаб чиқарувчилар нархи 2200 АҚШ доллари турадиган велосипедни шаҳар кўчаларида қолдириш унчалик ҳам хавфсиз бўлмаслигини ҳисобга олдилар, шу сабабли ўғирлашдан уч карра ҳимоя тизимини кўзда тутдилар. У калитсиз фойдаланиш – бармоқ изларини таниш, ғилдираклар электр блоклануви ва GPS кузатувини, шунингдек ҳаракатланиш датчиги ва юришнинг учта режимини ўз ичига олади. Ҳайдовчига қулай бўлиши учун велосипед масофадан заряд олувчи ечилувчан аккумулятор, хизмат кўрсатилмайдиган узатма ва смартфонни маҳкамлаш учун ускуналар панелидаги тагқурма билан жиҳозланган. Шовқинсиз Reevo конструкциясининг ноёб хусусияти шундаки, пойгачи ғилдирак ичига кўзда тутилган маҳкамлаш нуқталаридан фойдаланиб кичикроқ сумкани қўйиб олиши мумкин.
Reevoнинг яна бир дизайнерлик белгиси – 800 люмен қувватига эга мухтор светодиод ёритиш, у ёруғлик кам бўлганда автоматик ишга тушади. Ён чироқлар ва орқадаги ўчиб-ёнувчи стоп-сигналлар ҳам стандартга мувофиқ бўлиб, шаҳар кўчаларида юришда хафсизлик коэффициентини оширади.
Ҳавосиз шиналар
Пневматик шинанинг ўзидан кўра ёши катта бўлган бир нечта футурустик шина технологиялари мавжуд, улардан бири – ҳавосиз шина. Агар бу ғоя рўёбга чиқса ва оммавий ишлаб чиқаришга жорий қилинса, эҳтимол бир неча йилдан кейин, баъзиларимиз “ҳаво”да юришни тарк этиши мумкин.
Бугунги кунда шина ишлаб чиқарувчилар бу ғоя устида жиддий ўйланмоқдалар. 2020 йил шина технологиялари конференциясида батафсил тавсифланишига кўра, Michelin компанияси General Motors билан шерикликда Uptis ҳавосиз шиналарини ишлаб чиқмоқда, улар бундай шиналарни бўлажак Bolt AVга ўрнатишни кўзлаганлар. Consumer Electronics Show (CES) кўргазмасида Bridgestone компанияси қайта ишланган термопластик материал асосида ишлаб чиқарилган, юк машиналари учун мўлжалланган тижорат ҳавосиз шиналарини тақдим этди. Бошқа ишлаб чиқарувчилар, жумладан Goodyear ва Hankook ҳам бу концепцияни ўрганиб чиқмоқда
Ҳавосиз шиналарнинг оммавий ишлаб чиқарилишига ҳали анча бор бўлса ҳам, хавфсизлик ва уларга техник хизмат кўрсатишга харажатларнинг пасайиши ҳавосиз шиналар бугунги кунда ҳар қачонгидан ҳам кўра кўпроқ ишонч қозонаётганлигининг сабабларидан энг асосийсидир.
Michelin Uptis. Прототип 2019 йил 29 майдан Милфорд (Мичиган штати)даги General Motors Milford синов полигонида Chevrolet Bolt EVда синовдан ўтказилмоқда. GM ушбу ҳавосиз ғилдиракни Michelin билан биргаликда ишлаб чиқишни ва 2024 йилдаёқ енгил автомобилларга ўрнатишни режалаштирган.