Ўзбекистон Республикаси Президенти Шавкат Мирзиёевнинг 2017 йил 22-24 ноябрь кунлари Корея Республикасига давлат ташрифига бағишлаб ўтказилган Корея-Ўзбек “Бизнес-Форум”и доирасида, Кореялик ва Ўзбекистонлик ҳамкорлар ўртасида Тошкент шаҳрида Ёджу техника институтини ташкил қилиш ҳақида Меморандум имзоланган. Имзоланган Меморандумга асосан 2018 йил 24 июль санасида Тошкент шаҳридаги Ёджу техника институти Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш давлат инспекцияси томонидан тақдим этилган давлат лицензиясига кўра Ўзбекистон Республикасидаги олий таълим хизматларини кўрсатувчи муассаса мақомига эга бўлди.
Институтининг асосий вазифаси – иқтисодиётнинг турли тармоқларида талаб қилинаётган замонавий касбий билим, компетенция ва амалий кўникмаларга эга, юқори малакали кадрлар ва мутахассисларни тайёрлаш. Бунга кўра, институтнинг барча таълим дастурлари асосий иш берувчиларнинг талабларини инобатга олган ҳолда, халқаро стандартлар асосида ишлаб чиқилган.
Институтда ўзбек-тили, рус-тили ва инглиз-тилларида бакалавр, кечки, сиртқи, ва иккинчи мутахассислик бўйича таълим шакли мавжуд. Таълим жараёни кредит-модуль тизими асосида ташкил қилинган бўлиб, талабалар Европа ва Жанубий Кореянинг етакчи олий ўқув юртлари билан ҳамкорликдаги турли халқаро таълим лойиҳаларида 2+2 иккита томонлама диплом ҳамда 2+1+1 алмашинув таълим дастурларида иштирок этиш имкониятига эга бўладилар. Институтнинг ҳамкор олий ўқув юртлари қаторига Жанубий Кореянинг Hanyang University, Chung Cheong University, Gachon University, Chosun University, Jeonju University, Namseoul University, Бельгиянинг United Business Institutes, Болгариянинг Varna Management University, Туркиянинг Yildiz Technical University ва Буюк Британиянинг University of Strathclyde киради. Шунингдек, талабалар мобиллиги (student mobility) ҳамда хорижий мамлакатларнинг етакчи халқаро компанияларида амалиёт ва стажировка (internships) тизими доирасида талабалар бир семестрлик алмашинув дастурларида иштирок этишлари мумкин.
Institutda xalqaro va mahalliy professor – o‘qituvchilar hamda ma’ruzachi-amaliyotchilar pedagogik faoliyatni amalga oshirmoqdalar. Ular AQSh, Buyuk Britaniya, Germaniya, Fransiya, Italiya, Yaponiya, Koreya Respublikasi, Malayziya va boshqa nufuzli oliy o‘quv yurtlarining bitiruvchilaridir.
Institutda mavjud zamonaviy axborot-resurs markazi hamda ilmiy – tadqiqot laboratoriyaga ega moddiy-texnika bazasi milliy o‘ziga xoslikning xalqaro muhit bilan uyg‘unlashuvi sifatli ta’lim olish uchun barcha zarur sharoitlarni yaratgan.
Бугунги кунда институт қуйидаги таълим дастурларини тақдим этади:
| SCHOOL OF ENGINEERING | SCHOOL OF BUSINESS AND FINANCE |
| · Архитектура ва шаҳарсозлик;
· Муқобил энергия; · Лифт муҳандислиги; · Ахборот тизимлар муҳандислиги; · Машинасозлик; · Электротехника; · Мехатроника; · Қурилиш;
|
· Бизнесни бошқариш;
· Халқаро маркетинг; · Халқаро иқтисодий муносабатлар; · Туризм; · Бухгалтерия; · Банк иши; · Молия. |
| SCHOOL OF EDUCATION | SCHOOL OF DESIGN |
| · Корейс тили филологияси
· Бошланғич таълим · Мактабгача таълим · Инглиз тили таълими |
· Либослар дизайни
· Рангтасвир
|
| SCHOOL OF MEDICINE | |
| · Чирой эстетикаси
· Даволаш иши |
|
Қўшимча маълумотлар билан институтнинг www.ytit.uz расмий сайтида ва қуйидаги ижтимоий саҳифаларида танишиш мумкин: Telegram (@yodju), Instagram (@ytit.uz), Facebook (fb.com/ytit.uz).
Манзил: Тошкент шаҳри, Усмон Носир кўчаси, 156-уй, 100121.
Маълумот учун телефон: +99878 1294040 (ички 1).
Маълумот учун: Институт ўз фаолиятини Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш давлат инспекцияси томонидан берилган 2018 й. 24.07 даги №ОТ 0002 давлат лицензияси ҳамда Ўзбекистон Республикаси Вазирлар Маҳкамасиниг 2019 й. 17.12 даги №1007 сон “Тошкент шаҳридаги Ёджу техника институти фаолиятини ташкил этишнинг қўшимча чора-тадбирлари тўғрисида” ги қарори асосида олиб боради.
